Industriareal for grøne datasenter i Sogn
Sogn Utvikling forvaltar fleire potensielle industriareal langs Sognefjorden med rask tilknyting til fornybar vasskraft - frå sikker og kortreist kraft.
Våre prosjekt
120 MW Datasenter i Gaupne
Regulert og opparbeidd industritomt i Gaupne med kapasitet på opptil 120 MW. Teknisk forprosjekt er gjennomført, krafta er tilgjengeleg og området gir gode føresetnader for energieffektiv drift.
210 MW Datasenter på Vangsnes
Vangsnes er eit utviklingsområde for hyperskala datasenter, med kapasitet på opptil 210 MW. Det er gjennomført forprosjekt og nettutgreiing, og området har stadfesta tilgang på kraft frå 2032.
Med naturen som fortrinn
I Sogn får du tilgang på kortreist, fornybar kraft i eit av landets største overskotsområde. Her ligg forholda til rette for å etablere datasenter tett på energikjelda – med låg risiko, stabile leveransar og føreseielege rammer.
Kombinasjonen av rein vasskraft, naturleg kjøling og tilgjengeleg kapasitet gir eit solid grunnlag for effektiv drift – både for notida og framtida.
Naturleg kjøling
Kjølig klima og stabile temperaturar gjennom året gir gode føresetnader for energieffektiv drift. Nærleik til fjord og vatn gir tilgang på naturlege kjølekjelder med jamn temperatur.
Dette reduserer energibehovet til kjøling og gir meir stabil og kostnadseffektiv drift.
Tilrettelegging og tilgang på kraft
Sogn har lang historie med lokal vasskraftproduksjon. I Sygnir, Sognekraft sitt nettselskap, sitt driftsområde vert det produsert 20 gonger meir enn forbruket. Denne krafta er tilgjengeleg inntil vidare, med potensialet for rask tilrettelegging av uttak frå vårt lokale nettselskap.
Lokal forankring
Tett samarbeid med kommunar og lokale aktørar gir korte beslutningsvegar og effektive prosessar. God lokal forankring sikrar framdrift, føreseielege rammer og rask gjennomføring frå plan til etablering.
Ei berekraftig framtidsnæring for det digitale Noreg
Datasenter som del av nasjonal strategi
Regjeringa har i den nasjonale datasenterstrategien slått fast at datasenter er ein del av den kritiske digitale infrastrukturen i Noreg. Strategien peikar på datasenternæringa som ei framtidsretta næring med potensial for verdiskaping, tryggleik og utvikling.
I strategien blir det lagt til grunn at Noreg skal vere attraktivt for datasenteretableringar som bidreg til samla verdiskaping, styrkar nasjonale interesser og gir positive ringverknader lokalt. Samtidig blir det understreka at utviklinga må skje innanfor rammer som tek omsyn til klima, natur og ressursbruk.
Datasenter blir òg løfta fram som ein viktig føresetnad for digitalisering, kunstig intelligens og vidare utvikling av både offentleg sektor og næringsliv. Behovet for datalagring og prosessering er aukande, og strategien peikar på at tilgang til slik kapasitet er avgjerande for framtidig konkurransekraft.
Eit sentralt tema i strategien er samanhengen mellom kraftressursar og verdiskaping. I område med god tilgang på fornybar energi blir datasenter peika på som ein mogleg måte å nytte ressursane på, gjennom å foredle kraft til digitale tenester.
Samstundes legg strategien vekt på at etableringar skal bidra til lokalsamfunn, mellom anna gjennom arbeidsplassar, kompetanse og aktivitet. Det blir også stilt krav til tryggleik, beredskap og betre nasjonal kontroll med datasenternæringa.
Arbeidet med potensielle etableringar av datasenter i Sogn må sjåast i lys av denne nasjonale strategien og føringane som er lagde der.
Les regjeringa sin rapport her.
